• Viva l’occitan !
Cavanna qu’es mòrt, l’occitan es plan vivant, eth ! Charlie-hebdo que
torna publicar articles de Cavanna dens lo numerò especiau sortit ua
setmana après la mòrt deu cronicaire. Un article entitolat « j’aime le
français » qu’atira l’atencion ; tot un programa ; que’s pòt compréner
l’« amor » avugle portat a la lenga francesa per un « hilh » de
l’imigracion en recerca de reconeishança sociau. Qu’amuisha totun
ua coneishença de l’occitan e deu chaple occitan au pa rat de
l’invas ion francesa. Mes n’a pas comprés ar ren ; qu’aplica a
Occitània lo modèle francés d’invasion e de colonizacion deu nòrd,
qu’auré poscut menar « França » e ua partida deu monde, a parlar
occitan e non pas francés. Qu’es l’engana ultima. Viva la mòrt de la
pensada unica !
• La guèrra de la diversitat
La seria « star war » (o guèrra de las estelas), qu’es la luta deu ben
(la Republica) contra lo mau (l’Empire) ; qu’es tanben, d’après los
que decriptan lo messatge de Jòrdi Lucas, lo realizator, la victòria de
la diversitat (deus pòbles, de las culturas,…) contra la pensada unica
deu mau. Tot un programa… E, seré pas possible de har compréner
tot aquò aus afogats de la seria cinematografica ? Aquela luta que
sembla estranhament au combat menat per l’ensemble deus occitanistas.
Ua persona soleta que sufiré ; Luke Skywalker qu’èra solet,
qu’eram 30 000 a Tolosa lo còp passat. E quant per la manifestacion
de 2015 ?
• Euròpa, lo vèto d’Estat contra Escòcia e Catalonha
Que i a mila e ua faiçon de gerir l’eventuau independéncia de
Catalonha e de l’Escòcia, en 2014 o 2015… Ua faiçon de jutjar qu’ua
independéncia e s eré l’impossibilita t, enta’us navèths Estats,
d’entrar dens Euròpa quan, de facto, que i son dejà (los poders
politics, economics e la poblacion). Qu’es la posicion presa peu
President de la Comission Europèu, José Manuel Barroso, que jutgè
aquò malaisit, e mei probablament impossible. E que’t compara la
situacion dab çò que se passé en Jogoslavia… Mes aquí, se parla
d’un espandiment intèrne e democratic d’Euròpa. Lavètz, perqué
préner ua tau posicion, per qui tribalha Barroso… Quan la lei
empacha un procediment democratic, qu’es de la responsabilitat
comuna de la modificar entà perméter a la demanda de la societat
civila de s’exprimir. Te, aquò hè pensar a la ratificacion de la Carta
europèa per França. Que deu aver amics de pertot lo José Manuel.
Sintagnon
