Warning: Declaration of Color_Menu_Walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = NULL, $id = 0) in /home/podem/occitania/wp-content/themes/starmag/functions/theme-set.php on line 582
L’Euròpa vint ans aprep l’euro ! | ADEO

Warning: Use of undefined constant type - assumed 'type' (this will throw an Error in a future version of PHP) in /home/podem/occitania/wp-content/plugins/widgets-in-columns/widgets.php on line 17

Fa vint ans en 1999 se creava la moneda « euro » qu’anava cambiar plan de causas. Era un temps d’esper ont semblava que l’istòria avançava dins lo sens del progrès, d’una mai granda solidaritat sul continent. Vint ans aprep quina decepcion ! La cobesiá especulativa nos menèt a la crisi financièra de 2008, puèi Grecia coneguèt una decenia terribla, los britanics causiguèron de s’embarrar dins lor isla, l’Union mespresèt las aspiracions democraticas dels territòris : Còrsa, Catalonha, Escòcia… e las criticas quitan pas de tombar espès sus la technocracia de Bruxellas !

Ongan, vint ans aprep, pica l’ora d’elegir un parlament europeu novèl : del 23 al 26 de mai 2019, los ciutadans d’Euròpa eligiràn lors representants. Seràn en tot 705 euros-deputats un pauc mens qu’abans, vist que los britaniques seràn pas mai dins l’union a comptat del mes de març 2019. Aqueles deputats europèus deuràn bastir per las 5 annadas a venir los textes de lei que seràn aplicats pels estats. En França, lo vòte se debanarà lo dimenge 26 de mai.

Emplec, climat, immigraction, liure-escambi, alimentacion… l’impact d’aquelas eleccions serà segur d’una granda importancia dins fòrça domènis. Mas un pauc pertot las idèas extremistas avançan. La risca es de veser arribar una majoritat « nacionalista eurò sceptica » que refusa l’integracion europenca. Aquela eleccion poriá aver de consequéncias fòrtas sus l’avenir d’Euròpa e quitament sus sas valors.

En França riscam plan d’aver una eleccion desconectada dels enjòcs europèus e encara un còp centrada sus l’actualitat francò-francesa. La politica francesa es dempuèi la presidenciala triangulara : un pòl nacionalista reaccionari que rejeta l’islam, la mondialisacion, las talhas e las ajudas socialas. Puèi un pòl a l’esquera que reclama mai d’estat per conbatre las inegalitats entre los rics e los paures e que recusa el tanben la mondialisacion, l’euròpa liberala. Enfin un blòc centrista, prò-europèu que se qualifica aisidament de progressista afirment aital sa fe dins la creissença economica. Serà interessant de seguir l’evolucion dels escòres d’aquelas tres familhas politicas. Lo contexte de la revòlta dels gilets jaunes va pesar, segur ! Melenchon e Lepen crentan la lista « gilets jaunes » que poriá los privar d’una bona part dels vòtes contestataris. Auràn totes de gilets jaunes sus lor lista !

L’esquerra partirà escampilhada sus de listas multiplas. Segolena Royal faguèt una bona pre-campanha per ensajar de se plaçar coma persona ressorga capabla de reconciliar los socialistas e los ecologistas. Mas lo personal politic d’aqueles dos corents aima mai se criticar l’un l’autre, e i aurà una lista socialista, una lista menada per Hamon e una d’EELV menada per Jadot.

A dreita una profusion de listas tanben, ambe en particulier la menada per l’occitan Jean Lassalle al nom de son partit « resistons ! ».

Que faràn los « regionalistas » ? Un accòrd es estat trobat entre Regions e Pòbles Solidaris e Euròpa Ecologia : François Alfonsi (Còrsa) aurà una plaça en posicion eligibla se l’escòre apròcha los 10%. RPS aviá plan aprestat aquesta campanha ambe l’elaboracion d’una platafòrma programatica titolada « L’Euròpa per despassar los estats » ambe 81 prepausicions per una Euròpa de las regions e dels pòples solidaris (de consultar aicí :   https://www.federation-rps.org/elections/europ%C3%A9ennes-2019/). Mas la constitucion e sustot lo finançament d’una campanha a l’escala de l’estat francés es pas dins los mejans financiers de RPS sustot que i a pas de garantida de passar la barra dels 5%. Demòra doncas la recerca d’aligança, dins l’objectiu d’aver un candidat en posicion elegibla. La question es de saber se RPS aurà una visibilitat dins la campanha electorala… responsa dins 3 meses !

Joan Raujès.

Eleccion : Mòde d’emplec en França

Dimenge 26 de mai, eleccion de 79 deputats. Una circonscripcion unenca sus tot lo territòri francés. Eleccion a la proporcionala. Las listas que faràn mai de 5% auran un nombre de sietis proporcional a l’escòre.

Pour réagir : info[a]adeo-oc.eu


Warning: Use of undefined constant type - assumed 'type' (this will throw an Error in a future version of PHP) in /home/podem/occitania/wp-content/plugins/widgets-in-columns/widgets.php on line 17