Vos fau part d’una informacien auvida sus « France Info » a prepaus de la ratificacien de la Carta europenca per comprendre quauquei subtilitats: les parlamentaris son a depausar una prepausicien de lei (constitucionala) per que França signe la Carta. Se lo tèxte es adoptat dins lei doas acampadas, dèurà obligatoriament fare l’object d’un referendum. E d’autres avant ieu an explicat qu’aquò capitariá mau en causa dau rejet de l’Hollande dins l’opinien.
Pasmens, e es aquì qu’es interessant, sembla que la tòca esconduda dei deputats que pòrtan la prepausicien de lèi sariá de convincer de ministres de prendre lo texte a son còmpte. Vesètz pas çò cambia, non? E ben si! tot cambia car d’aquèu moment, s’agìs plus d’una prepausicien de lèi, mai d’un projèct de lèi. E lo circuit d’un projèct de lèi s’acaba pas dins un referendum mai dins una votacien dau congrès. E davant lo congrès, l’a una chança mai granda de passar.
Pascau RECOTILLET
