Lo primièr ministre a anonciatque la question de la ratificacion de la Carta europèa de las lengas vendriá en discutida a l’Amassada nacionala cap a la fin del mes de genièr.
Òm se pot regaudir d’aquesta decision, sustot que s’es pas sentit fins ara una volontat ferotja del costat del govèrn de fair e avançar aqueste dossièr.
Dins un comunicat (14/12/13), l o Partit Occitan se felicita d’una tala iniciativa esperada dempuèi d’ans, mas precisa que sèm pas al cap del camin (referendum o adopcion pel Congrès) e que, de tot biais, una ratificacion deuriá èsser sostenguda per una lei-quadre que deuriá, segon lo Partit Occitan, balhar una part bèla a las Regions per menar sul terrenh la politica lingüistica.
Mobilizacion ciutadana
De notar que los moviments de promocion de las lengas demòran mobilizats e prevei ja accions pel dissabte 8 de novembre de 2014. S’espèra una demarcha dinamica e consensuala de las associacions occitanistas per mobilizar lo mai que se pòt los ciutadans sus aquesta question fondamentala dels dreits linguistiques.
Leon Castèl
