Es decidit : dins lo corrent de 2014, losdos jornals « Lo Cebier » e « Occitania – Volèm viure al país » se maridan e faràn pas qu’un ! Coma l’aviái evocat dins lo n° precedent la situacion de la premsa es dificila, e fasiá mestier als jornals occitanistas de se tornar organizar per afrontar la crisi economica que traversam.
A i soscar plan, es pas sonque una question financièra. L’unitat d’Occitania qu’es sovent un objècte de discussion, traparà dins aquesta fusion un element per se renfortir. Lo Partit Occitan se deviá de se provesir d’un otís de comunicacion difusit sus tot l’espandi occitan. Mas mèfi : pas question d’uniformizacion ni linguistica ni de la pensada ! Ensajarem, coma pel passat, de publicar d’articles dins los diferents dialectes de la lenga occitana e contunharem de balhar la paraula a de personas de sensibilitats divèrsas.
Los Provençals pòdon tanben èsser rassegurats : contunharàn de trapar dins lo futur jornal las uèits paginas qu’èran acostumats de l egir dins L o Cebier. E los redactors del Cebier auràn aital los mejans de perseguir lor trabalh de comentari e d’analisa de l’actualitat, e d’engatjar los debats que lor semblan importants.
Pels legeires d’O c c i t a n i a , aquel recampament porgirà un suplement de lectura e d’informacions sus Provença que demòra una region impor tant a d’Occitania.
Mas editar mai de paginas a un còst ! Subirem tanben la naussa de la TVA que passarà a 20% al primièr de genièr. Sèm doncas dins l’obligacion de far créisser lo pretz de l’abonament d’Occitania de 0,5 èuros per los que demòran dins l’Estat francés, e 0,6 èuros endacòm mai. Aquela fusion-dinamizacion es tanben l’escasença d’apelar a l’ajuda ! Podètz far conéiss er la revi sta a l ‘entorn de vosautres, podètz far un don (amai pichon, de qualques èuros), podètz plan segur nos escriure per reagir a d’articles, per aportar un sosten, eca, eca.
Esperam aital balhar un vam novèl a O c c i t a n i a – V VA P, un jornal vièlh de mai de trente ans e que se sarra dapasset del 200en numerò !
