D’aiga e de Dinhitat

Lo mes passat eriam à Rocabruna per parlar de la Cooperativa viticola que vèn de barrar.(1) Encuei siam au nòrd de la Cisjordania entre Naplosa e Jenina .

I’a un an la França finançava un projèct grandàs de racordament d’aiga bevabla a la pila. (2) Un bonur per leis abitants coma lo laissa pareisser Farida. Mai un an après, lo sendicat deis aigas que mena la pompa a paur de metre la clau sota la pòrta, en causa dei facturas impagadas. La pompa tota nòva es installada en dessota de la valada, sus leis tèrras de Maytahloun, lo vilatge lo mai important, embrancat au sistèma! L’intrada dau siti es gardada per un Palestinian. Dins la sala de contraròtle, Issa DABADAT, lo director dau sendicat regarda se l’aiga raia pron e survilha la qualitat. Puei ditz : « Lei gents patissian de la raretat de l’aiga, bevian aquela que fasiam venir emè de camions –cisternas, que preniam l’aiga dins de foratges agricòlas, mai sabiam pas d’ente venia  nimai la qualitat. Sofrissiam fòrça de malautias en causa de l’aiga. » (3)

Autre costat, lo consum d’aiga a pas petat, 10 à 15% de mai, que leis gents se n’en servon per lei jardins. Leis 25000 estatjans dau relarg an gardat una gestien tradicionala e respectuosa de l’aiga (coma en Provença, NDLA). L’aiga es dos còps mens cara qu’avans ; pasmens lo sendicat deis aigas deu survenir a un molon de facturas impagadas. Kifayah ZAKZOUK, una estajana d’Al Judaideh deu mai de 200€.

Kifayah ZAKZOUK : « Avèm d’ aiga de longa , e sabèm que van pas la copar, dins lo cas que la factura sieche pas pagada. Ieu, es pas que vòli pas pagar, mai pòdi pas. Meis enfants son totei fonccionaris, mai en causa de la crisi, l’Autoritat Palestiniana  paga pus lei salaris, adonc pòdi pas pagar. » La familha ZAKZOUK es pas soleta dins aquel afaire. I‘ a quasi 200 000e de pòtis (4), çò que podria faire cabussar la causa. Sensa sòus, lo sendicat deis aigas pòu pus pagar ; l’Autoritat Palestiniana que mena la pompa, saria arrestada. Hervé CONAN, de l’Agéncia Franchimanda de Desvolopament de Jerusalèm : «  Siam dins un respèct d’aqueu servici de l’aiga, encuei fau trobar un biais de menar son còmpte, ansin fau que lo sendicat copa l’aiga se quauqu’un paga pas. A l’ora d’ara, lei gents remandan lo pagament au mes que ven. Fau installar de comptadors de pre-pagament. »

L’agençament de MAYTAHLOUN se vòu un projèct de tria per la CISJORDANIA.

Pour réagir : info[a]adeo-oc.eu

Le site utilise des cookies pour son bon fonctionnement. En poursuivant l'utilisation du site, vous acceptez cette utilisation des cookies.
Accepter