N°179 – L’IPOPOTAM MESOPOTAMIAN

Amb un tal títol, se pensatz de vos procurar aqueste libròt per aprene quicòm
sus l’ipopotam mesopotamian a sa lectura, riscatz una brava decepc ion que s’i
parla de fòrças causas mas gaire d’ipopotam e encara mens de Mesopotamia : mas,
se los secrets existissián pas, qu’un plaser i auriá a envisatjar de los desvelar ?
Mas segur que los ipopotams legisson los Papieròts menerbés d’Alan Roch dins
La semaine du Minervois e ne fan la compilacion (37 cronicas del periòde de març
de 2009 a març de 2010).
E coma l’escriviá l’Ives Roqueta a prepaus dels libròts precedents : « Lo legeire
i farà rescontre amb un òme fin, una intelligéncia comola de bon sens e
d’invencion, umil coma la mauva e fièr coma Artaban, ferment e piment
d‘una pensada liura, deselitrinada, riscada e mai que ren pus risolièira.
Amb Alan Roch, tot fa ventre, tot fa fèsta, tot fa question, tot dona enveja
d’agir, de se batre, per un monde juste, dobèrt e frairal dins la jòia, la
colèra, l’umor de lònga renadiu.» (Cò de l’ADEO ; veire en p. 22)