Aprèp las eleccions de novembre, qu’an vist una larga majoritat catalanista l’emportar al Parlament d e Catalonha, lo president de la Generalitat Artur Mas a passat un acòrdi de majoritat amb l’Esquèrra Republicana per menar a bona fin la tenguda del referendum d’autodeterminacion a la fin de 2014.
Declaracion de sobeiranetat Aquela situacion se concret iza pel vòte pel Parlament lo 23 de genièr d’una declaracion de sobeiranetat e del dreit de decidir del pòble de Catalonha.
Lo tèxt, vertadièra fuèlha de rota abans lo referendum, afortís : la legitimitat democr atica de la demarcha, la transparéncia totala, lo dialòg a totes los nivèls (Espan h a , Euròpa, institucions internacionalas), l’europeïsme, la legalitat, lo ròtle central del Parlament que demanda, amb la Generalitat a l « mond local, e lo nombre maximal de fòrças politicas, d’agents economics e socials, e d’entitats culturalas e civicas del país nòstre » d e s’implicar.
Doas annadas decisivas Madrid va faire tot son possible per entrepachar la volontat democratica de Catalonha e dels Catalans (sens doblidar los Araneses) de s’exprimir : una responsabla del PP sómia d’una situacion a la francesa per las lengas dins l’Estat espanhòl, lo Parlament de Madrid torna introdusir las corsas de taures dins tota Espanha , lo chantatge sul refús d’Euròpa d’acceptar Catalonha se met en plaça,…
Las doas annadas que venon van èsser decisivas non solament per Catalonha mas tanb en pel devenir dels pòbles d’Euròpa. Alan Roch
