• Sauvat per l’UMP

Lo deputat Jean Lassalle, es estat elegit un còp de mai dins sa circonscripcion occitano-basca dels Pirenèus- Atlantics. A sauvat son sèti de 900 voses contra lo socialista François Maitia, mentre que son amic e vesin François Bayrou es estat batut e a pas mai d’autre mandat que lo de conselhièr municipal de Pau. Cal dire que Lassalle es estat mai que prudent entre los dos torns de la presidenciala ; se calèt. Apelèt pas a votar contra Sarkozy pr’amor sabiá que son eleccion seriá impossibla i aguèsse agut una triangulara coma lo còp passat amb un candidat UMP. Mas sens aver apelat a votar Hollande coma François Bayrou e sens apelar a votar Sarkozy tanpauc, Jean Lassalle a capitat a aver lo sosten de l’UMP pel segond torn. Li permet de ganhar amb 50,09% de las voses contra lo socialista. Cal mençonar tanben que los abertzale an pas pres de posicion per l’un ou per l’autre çò que fa dire als socialis tas que son los nacionalistas basques qu’an fait l’eleccion e qu’an fait batre lor candidat . En tot cas, Lassalle, el, demòra a l’Assemblada. I poirà benlèu contunhar de far ausir lo  » Se canta « . D’unes de sos opausants dison qu’es la sola vertadièra activ ita t par lamentàr ia qu’a guèt dins s os mandats passats.

• Aragon

Lo govèrn aragonés de dreta a trobat una solucion per reglar la question lingüistica. Una lei èra estada votada, al cap de longas annadas d’atenta, pels socialistas abans de pèrdre las eleccions. Aquesta lei reconeissiá l’existéncia de l’aragonés e del catalan sul territòri d’Aragon. Mas la lei donava pas cap de caractèr oficial a las lengas mas donava qualques drets. Pasmens, lo Partit Popular jos l’influéncia de son aliat lo Partit Aragonés, podiá pas suportar l’idèa que lo catalan foguèsse lenga d’Aragon. Alavetz a decidit de far çò que prepausa lo Partit Aragonés a saber decidir que çò que se parla a l’èst d’Aragon (a la franja) es pas de catalan mas d’aragonés oriental !! A pas empachat los responsables de la Chunta, partit d’esquèrra e nacionalsita aragonés, d’anar portar un dossièr al Conselh d’Euròpa per denonciar aquela manòbra. Espanha a ratificada la Carta europèa mas res avança pas. Los eurodeputats an tanben sostengut los aragonés dins lor demanda d’una vertadièra reconeissença de las doas lengas sul territòri que Saragossa n’es la capitala. Mas lo PP estima mai tornar far l’istòria e denegar la realitat lingüistica. Atal lo Partit Popular anonciava recentament que crearà una acadèmia unica per las doas lengas (perdon 2 las doas modalitats lingüisticas) d’Aragon. La lei de 2009 serà modificada de faiçon a empachar tot ciutadan de reclamar lo dret de s’adreçar en catalan o en aragonés a l’administracion .

• Assisas de las lengas a Lion

Lo 21 de junh passa t, a l’inicia tiva de Belkacem Lounes, elegit RPS de Ròse-Alps, lo conselh regional organizava las assisas de las lengas regionalas de Ròse-Alps. Mai de 150 personas vengudas del monde associatiu occitan o franc o-pr ov enç al èran presentas per trabalhar sus un programa d’accion en favor de las doas lengas. La jornada foguèt dobèrta per J.J Queyranne, lo president del conselh r egional, en pres éncia del prefècte de region. Cal mençonar tanben la preséncia de per sonas vengudas de las valada occitanas d’Itàlia e de Soïssa ont se parla encara lo franco-provençal. Èra donc una jornada que passava las fron-tièras e que mostrèt que las doas lengas son sostengudas per un monde associatiu actiu. Amb lo sosten politic recebut per aquesta jornada òm pòt pensar que Ròse-Alps acaba de dintrar dins una dinamica interregionala (a votada la carta interregionala de desvo-lopament de l’occitan amb quatre autras regions occitanas). La velha d’aquelas assisas, la comission de las lengas de l’ARF s’èra acampada a Lion e lo jorn de las assisas èran pres ents de repr e- sentants de las regions occitanas, de Corsega e de Bretanha.

• La promessa de la Carta

En fasent la promessa de ratificar la Carta europèa de las lengas regionalas e minoritàrias, lo president de la Republica deviá plan pensar d’èstre sollicitat. D’un costat, l’intergrop parlamentari a Estrasborg qu’es copresidit per François Alfonsi (ALE-PNC) e per Csaba Tabadji (socialista de Hongria) li a mandat una letra per li dire totas las esperanças que faguèt nàisser la promessa de ratificar aquel tèxte. E aquò foguèt dit a Estrasborg dins un acamp organizat per l’intergrop parla-mentari. Dins aquel acamp, venguèron de represen-tants del monde a ssociat iu (Eblul aviá delegat de b retons, d’occitans e d’alsacians) e tanben d’elegitscoma David Grosclaude delegat a la lenga occitana d’Aquitània. La letra qu’es partida al president de la Republica pa rla de la s manifesta cions importantas que se debanèron pendent la campanha electorala, lo 31 de març, e parlan de la promessa confirmada a Tolosa per la v otz del president del Senat . Los eurodeputats signataris se regaudisson de veire França enfin participar a la proteccion e a la promocion de las lengas me-naçadas en Euròpa. Csaba Tabadji, l’eurodeputat socialista de Hongria, diguèt pendent l’ama ssada que compreniá pas plan sos amics socialistas f rances es quand pr enián de pos icions opausadas a la reconeis-sença de las lengas. Per el, aquò’s pas de bon comprendre e es per el en contradiccion complèta amb la tradicion de promocion dels Drets de l’Òme que França preten portar. Eb lul tanb en de son costat a es criut al president de la Republica e son cabinet a a cusat recepc ion s ens per a quò far de promessas o sens donar una calendari per la ratificacion de la Carta. La plancarda de Magalona Dins un ar rèst del 28 de junh, la Cort a dminis trat iva de Marselha ditz que los panèus bilingúes son pas illegals e contraris a la Constitucion, coma l’aviá estipulat en primièra instància la Cort de Montpelhièr. De mai, es lo planhent qu’es condemnat a 2000 € d’esmenda.

Pour réagir : info[a]adeo-oc.eu