• Lo senhal :

Pel ministre Va lls que vòl pas par la r ca ta lan a Barcelona, que contunha l’expulsion dels Ròms, que s ’opausa pas a l’extradicion d’Auròra Martin, que denóncia los manifestants de Nòstra-Dama-de-las- Landas (« un quist », çò ditz). De dreita o d’esquèrra, un Ministre de l’Interior es totjorn un super-flic. • Omofobia e catarisme « Al començament dins l’òrt d’Eden, Adam s’acoblèt pas amb Adam e Èva amb Èva… Autrament, seriam pas aquí. Lo tsunami (del maridatge omosexual) poiriá menar nòstra civilizacion ja plan destorbada a una disparicion devastatritz. La bossòla vira canturla. Per manténer la coësion de la familha, cellula de basa de la societat, lo Rei Sant Loís foguèt oblijat de combatre l’eretgia catara que preconizava cò dels Perfièits lo celibat e lo refús de la procreacion. » Aquí çò que pensa e ditz lo comte de París : sens comentaris.

 

• Premiats

Sèm plan contents d’èsser estat nomenats pel prèmi Nobèl de la patz. Vertat qu’Euròpa balha un polit exemple per sa linha clara sus sas intervencions (Libia, Afganistan, Iraq… ) o sas non-intervencions (Pa lestina, Siria. ..) o la resolucion dels conflictes intèrnes (Bosnia…). La patz demòra un ideal e las palombas blancas son totjorn un pauc grisas. * Prudéncia Los responsables del site de Fukushima an reconegut qu’avián pas atirat l’atencion suls riscs possibles per pas menar a trabalhs de consolidacion cars o a la tampadura çò qu’auriá mes en causa l’emplec (e lors beneficis). Un brave calcul positiu, non ? * Amor « J’aime la France, j’aime sa langue… », aquò es lo discors del Primièr ministre davant l’Ama ssa da nacionala a la debuta de julh. L’ancian cònsol de Naoned a jamai ausit parlar en breton ?

 

• Fin del monde

Volètz ganhar de moneda ? A Bugarach (Aude), ont la fin del monde es anonciada pel 21 de decembre, l’an passat se vendiá pèiras del puèg a 2500 èuros lo quilò. Ongan, la loca cion d’una cramb a vos pòt costar 1 5 0 0 € ! Vivèm una epòca formidabla ! Mas lo Prefècte d’Aude a decidit d’interdire l’accès al vilatge lo jorn « fatal » !

 

• Gas de sistre :

An dit de non al gas de sistre. Mas semblariá que pensèsson de òc ! Vigilància…

 

•Euskadi :

Amb lo 65% de las voses e pas luènh de 70% dels sètis al parlament de Gasteiz, los nacionalistas an ganhat la s eleccions dins la Comunitat Autonòma Basca d’Euskadi. Lo Partit Nacionalista Basc se ganha la primièra plaça en voses e en sètis e lo partit independentista Bildu se tròba a la segonda. Daissan atal plan luènh darrièr lo Partit Socialista e lo Partit Popular.

 

 

* Euskadi-nòrd :

Lo refús de Marilyse Lebranchu de se prononciar sus una collectivitat pròpia al País Basc nòrd mòstra que lo poder socialista a pas lo coratge de s’opausar als centralizators e recentralizators de tota mena. La ministra ditz qu’a pas de « solucion institucionala ». Li caldriá benlèu trapar una solucion politica.

 

* Regionalizacion ?

Dins un comunicat, David Grosclaude, conselhièr regional del Partit Occitan en Aquitània, escriu fàcia a las mesuras pels territòris envisatjadas pel governament : « Caldriá parlar dels mòdes a venir d’escrutin. La proporcionala raja pas de sorga al punt d’inventar binòmes pels despartaments (un òme / una femna) per elegir los conselhièrs generals. Quant a la fiscalitat de las regions, aquela risca de demorar magra, caitiva e ineficaça. De quinas competéncias alarguidas e de quins budgèts enauçats se podrián prevaler las regions, dins un encastre despartamentalista que cambiariá pas e fàcia als diverses nivèls administratius d’ara mantenguts, benlèu renforçats per d’unes ? Totes los que sómian de decentralizacion auràn un revelh dificile se lo govern fa pas de vertadièras causidas. La region es la collectivitat a la mesura de l’Euròpa e dels enjòcs economics, ecologics, politics que nos confrontan. Decentralizar, regionalizar, b alhar de vertadièrs poders a las regions : n’avèm somiat mas es qu’anam trapar qualqu’un per o far vertadierament ? »

 

* Pichon batèu :

Lo ministre del Redreiçament se vestís amb un malhòt de marin. Audrey Pulvar lo daissa que vòl pas faire la ruscada. Es per prevenir del naufragi ?

 

* Lengas de França

La ministra de la Cultura e de la Comunicacion expliquèt, en responsa a una question d’un senator socialista, que « França metrà en òbra lo procediment de rat ifica cion de la Ca rta europenca de las lengas regionalas o minoritàrias ». Mas quora ? Deman o deman passat ? Una ratificacion que de tot biais seràpas grand causa sens lei e sens mejans.

Pour réagir : info[a]adeo-oc.eu