• Elegits per la lenga

Las plaças èran caras darrièr la bandeiròla de la manifestacion del 31 de març a Tolosa ont èra marcat  » Elegits per la lenga « . Vertat que i aviá de monde e finalament es una bona causa que n’i aja de mai en mai a cada manifestacion. Mas, aqueste còp, lo dret de tenir qualques millimètres de la bandèiròla e d’èstre sus la fotografia èra limitat, subretot per la primièra ora de la manifestacion. E la diversitat èra al rendètz-vos. I aviá de socialistas, d’ecologistas a l’entorn d’Eva Joly, de monde del centre e de dreta e tanben segur d’occitanistas del P. Òc.

 

• Jaurés ! Jaurés !

Un gigant , que representava Jaurés, èra estat plaçat juste davant la bandèiròla dels elegits dins la manifestacion del 3 1 de ma rç. Mas Jaurés ara se plaça pertot. Foguèt dins los dis corses de Sarkozy al començament de son mandat , ar a es el que permet a Mélenchon de dire son estacament a la lenga occitana , lo president del Senat ne parlèt tanb en a Tolosa , juste après Jos é Bové e ne ca lriá citar d’autres que fan ara referéncia al  » nòstre Joanon  » per explicar que l’occitan es una lenga respectabla. Mas es plan finalament e se’n cal regaudir.

Pasmens es a se demandar s’aquela  » jauresomania » se cambiarà pas lèu en proposicion de reforma de la Constitucion. Per exemple, òm poiriá veire dins la Constitucion après lo famós article 75-1″ les langues régionales font partie du patrimoine de la France « , un segond article 75-2 que diriá :  » L’occitan es la lenga de Joan Jaurés ! « . I a sonque una causa que far paur. Jaurés es laudat mas foguèt a ssas sinat e s on as sass in foguèt pas condamnat per son crimi. Calriá pas que la lenga de J aurés foguèsse as sassinada en tota impunitat e indiferéncia. Alavetz, que siá la lenga de Jaurés es plan, mas que siá deman la lenga dels mainatges del país de Jaurés seriá mai portaire d’esperança.

 

• Lassalle

Joan Lassalle, lo deputat Modem del Bearn èra vengut per representar François Bayrou a la manifestacion de Tolosa. L’òme s’es fait una reputacion amb sa cauma de la fam de mai de cinc setmanas a l’Assemblada nacionala per defendre una usina de la Vath d’Aspa. Se fa guèt conéisser per aver cantat en occitan a l’Assemblada Nacionala per protestar contra la disparicion d’una gendarmariá dins la meteissa val.

Es un òme mediatic, segur, e que de mai parla la lenga occitana correntament. Enfin, parla una lenga que el vòl pas apelar occitan. Dins son discors a Tolosa, en companhia de J.P. Bel e d’Eva Joly parlèt pas qu’en occitan, mas jamai diguèt pas lo mot. E non, a d’amics que son pas d’acòrd amb los occitanistas mas a tanben de bonas relacions amb d’unes occitanistas…e es bearnés, donc en recèrca permanenta de consènsus quitament quand es pas possible. Donc per pas contrariar digun es vengut a Tolosa per parlar en occitan mas sens dire qu’èra d’occitan e sens dire que i a mai d’una lenga occitana coma o dison d’unes de sos amics. Cal reconéisser que, arribat a tal punt de subtilitat, la politica es un exercici d’una granda complexitat.

 

• Boudou compromés !

L’imatge de Bodon (o puslèu Boudou) es ara sus de bilhets de banca de la Republica d’Argentina. Boudou es primièr al centre d’una polemica en Argentina. Cal precisar qu’es pas l’escrivan occitan que fa parlar la premsa sul Rio de la Plata mas un autre Boudou qu’es lo vice-president de la Republica argentina. Es Amado Boudou, que sos aujòls venguèron de Roergue duscas a Pigüe per i trobar una vida melhora. Se tròba que lo personatge es acusat per la premsa argentina d’aver practicat lo trafic d’influéncia dins un afar d’atribucion de mercat del temps qu’èra ministre de l’economia. S’agís d’un mercat per imprimir de bilhets de banca. L’òme denega totas las acusacions e es sostengut per la presidenta Cristina Fernández de Kirchner. Alavetz, en Argentina, lo nom de Boudou es conegut ara de totes mas es pas l’estile literari de Joan Bodon que fa parlar mas l’estile politic de Amado Bodon que mescla son imatge d’economista e son imatge d’amator de ròck e de mòtos de marca Harley Davidson. L’imatge de Bodon es quitament estat imprimit

 

• Alsàcia unida !

La Region Alsàcia e los dos departaments del Rin-Naut e del Rin-Bas son ara d’acòrd per anar cap a una collectivitat novèla e unica. L’Estat a acceptat d’aviar la procedura, que de tot biais serà longa. Ara que las tres collectivitats an fait una demanda dins de tèrmes identics es possible de pensar que pòscan anar cap a una procedura de referèndum. Demòra de segur encara un tròç de camin bèl abans de i arribar, subretot que lo periòde electoral es pas vertadièrament favorable.

Pasmens es lo primièr còp qu’una demanda de collect ivitats per aquò far arriba tan luènh. Lo fait que lo president de la Region siá tanben ministre en carga de las collectivitats i es segurament per quicòm. A degut ajudar al dialògue amb l’administracion de l’Estat. Lo prefècte de Region demandèt que se metèsse en plaça un grop de trabalh per elaborar lo projècte.

Es la populacion que decidirà en fin de procèssus se òc o non es d’acòrd amb la creacion de la collect ivitat unica. Se pòt imaginar en fin d’annada. Dins la lista de las causas que deurà far lo grop de trabalh i a per exemple de metre d’acòrd sul biais d’elegir los conselhièrs de la collectivitat novèla (proporcionala o per territòri ?) e tanben sus la lista de las competéncias qu’aurà la novèla collectivitat.

Òm sap per exemple que, en principi, es ela que poiriá prendre en carga la ques tion de la lenga.

• Intervencion al Conselh d’Euròpa

Lo govèrn aragonés, qu’es ara dirigit pel Partit Popular, a decidit de tornar veire la lei de las lengas qu’èra estada votada pel govèrn socialista juste abans las eleccions autonomica s de l’an pas sa t . Ja que lo Par tit Socialista aviá tardat fòrça per far aquela lei que reconeis lo catalan e l’aragonés coma lengas d’Ara gon, ara es la dreta que vòl tornar sus aquel tèxte.

Chunta Aragonesista a decidit de portar l’afar al Conselh d’Euròpa pr’amor l’Estat espanhòl a ratificada la Carta europèa de las lengas. Per ChA, s’agís ara clarament d’un non respècte d’un engatjament internacional. Se poiriá donc que lo Conselh d’Eur òpa venguèsse metre son nas dins l’afar de las 3 lengas d’Aragon que lo P.P. vòl denegar dins lors drets en companhia del Partido Aragonés qu’es un partit que se vòl regionalista. Lo PAR subretot cèrca a demorar totjorn al poder en fasent d’alianças amb los socialistas quand son al poder e amb lo P.P. quand la dreta es majoritària.

 

• L’occitan serà lenga oficiala de l’Euroregion Pirenèus- Mediterranèa

Tot es partit d’una anóncia d’emplec per un cargat de mission cultura/ensenhament a l’Euroregion. Dins los critèris, demandavan competéncias en francés, catalan e/o castilhan, anglés. L’occitan èra complètament doblidat. Interpelada sus aquela manca per un jornalista, la secretària generala, Antònia Sabartés, a indicat que las quatre regions – Catalonha, Balears, Mieidia-Pirenèus, Lengadòc-Rosselhon — avián una sensibilitat cap a l’occitan e que, pendent la reforma dels estatuts a venir, l’occitan poirà èstre lenga oficiala a costat de las tres autras. La presidéncia passarà aqueste estiu de Catalonha cap a Mieidia- Pirenèus, un bon moment per far lo pas e botar l’occitan oficial a l’Euroregion

Pour réagir : info[a]adeo-oc.eu