La demarcha entamenada dempuèi quasi 2004 per l’IEO amb l’ancian CLO, per trobar una solucion a la
creacion d’un organisme capable d’èstre una referéncia dins lo domeni de la lenga, foguèt longa. Foguèt donc après
una primièra amassada en 2008 a Vielha (a l’iniciativa deu Conselh Generau d’Aran e de l’IEO) la creacion de
l’Associacion de Prefiguracion per un Organisme de Regulacion de la Lenga Occitana (APORLOC). Après doas
annadas e mièja de trabalh e de rencontres, l’APORLOC a decidit de se transformar. Es atal qu’es nascut lo
Congrès Permanent de la Lenga Occitana. Quatre regions an sostengut l’APORLOC dins son trabalh d’estudi e la
creacion d’un organisme de referéncia per la lenga occitana es marcada dins la Carta Interregionala qu’es estada
adoptada per quatre regions per l’ora, e lèu cinc.
Lo Congrès Permanent de la Lenga Occ itana a donc una
legitimitat qu’es lo fait qu’es estat acompanhat per de regions dins
sa naissença que s’es faita lo 16 de decembre a l’Ostal de la Region
Aquitània a Bordèu. Mas sa primièra legitimitat es que fa de plaça
a totes los utilizators de la lenga e que recampa d’especialistas de la
lenga occitana de totas las regions. Solide totes los que son competents
son pas membres del conselh scientific mas lo Congrès Permanent
associarà a son trabalh totas las personas competentas
quand farà besonh. Es dins sos prinipis de trabalh e dins l’interès
de la lenga coma o diguèron a Bordèu.
Lo CPLOC es presidit per Gilabèrt Mercadier que presentèt en
detalh a Bordèu çò que serà lo trabalh d’aquel organisme e subretot
que detalhèt las fasas de creacion del CPLOC. Atal foguèt clar que
las causas se debanèron en consultar lo mai grand nombre de
personas e en associar lo mai grand nombre d’especialistas.

Pour réagir : info[a]adeo-oc.eu